اينسانلـــيق اينسانا دای قازانمـير آد

قـوهـومدا قارداشدا دؤنوب اولـوب ياد

                         قـارداشـدا قارداشا خيــــانت ائــديــر

هاردادير نزاكت ؟؟؟ هانی صداقت ؟؟؟

محــــو اولـــوب نجابت يوخـدو حقيقت

نه بؤيوك كيچيك وار نه ده كی حؤرمت

                         اوشـاقـدا بـؤيـوگه جســــــــارت ائـدير

زمانه مـــــردلــــــرين بئليني بوكور

يارما ياوان قاليب ياغا ياغ تــــؤكور

چاككاللار جاناوار لئشينی سؤكور

                         تولــــكولر آصــــــلانا شجاعت ائدير

كؤپه ك لر قايانين كؤلگه سين دانير

قـارغالار اؤزونـو بـــــير قارتال سانير

ياشــــدا قــــــــورولارين اودونا يانير

                         يالان اياق تـوتـوب قـيـــــامت ائدير

تولــــــكو بئی اولــوبدو خلوتدي دره

بايقوش گولوستانی ائيله ييب مَره

عــــدالت اؤلــــوبـدو دئييم بــــير كَره

                         هـــــــره ايسته ديگين نهـايت ائدير